दिलदार तुझ्या बघण्यांत
कधी न दिसे गे उन्माद
स्वच्छंदी तुझ्या हास्यांत
ना लपला कधी आनंद
मितषार तुझ्या कैफाला
शालीन रेशमी अभ्रे
ते नयन रम्य लाजविती
शरदांची की नक्षत्रे
हें रोमरोमीचे न्यास
भुकेविण मागुन जाती
फक्त एक प्रकट करावा
मृद्गंधि मोकळी प्रीती
तनु कशी बावरी बाई
जांभळ्या नभीची कोर
केतकी रंग लेवोनी
मोगरा फुले रंगेल
बावरत्या नेत्रांमधले
निसटते नील सांवरुनि
देतेस छटा मुद्रेला
निर्विकार घन गंभीरी
परि नटखट हा गे तीळ
मिस्कील कशाच्यासाठी
मुडपोनि वाकुल्या दावीं
बैसोनि रंगल्या ओठी
(१९६८)
कधी न दिसे गे उन्माद
स्वच्छंदी तुझ्या हास्यांत
ना लपला कधी आनंद
मितषार तुझ्या कैफाला
शालीन रेशमी अभ्रे
ते नयन रम्य लाजविती
शरदांची की नक्षत्रे
हें रोमरोमीचे न्यास
भुकेविण मागुन जाती
फक्त एक प्रकट करावा
मृद्गंधि मोकळी प्रीती
तनु कशी बावरी बाई
जांभळ्या नभीची कोर
केतकी रंग लेवोनी
मोगरा फुले रंगेल
बावरत्या नेत्रांमधले
निसटते नील सांवरुनि
देतेस छटा मुद्रेला
निर्विकार घन गंभीरी
परि नटखट हा गे तीळ
मिस्कील कशाच्यासाठी
मुडपोनि वाकुल्या दावीं
बैसोनि रंगल्या ओठी
(१९६८)