आई मजला वेळच नसतो कसे तुला समजेल?
नको रागवू, समजून घे गं, माझे थोडे ऐक
पहाट समयी थंडी भारी झोपावे वाटते
किलबिल पक्षी गाणे गाती ऐकावे वाटते
सकाळ वेळी हवा चांगली हिंडावे भरपूर
आजीसोबत मंदिरातही जाण्या मी आतूर
शाळेमध्ये धडा ऐकता घड्याळात मी मग्न
इतिहासाच्या सनावळींनी डोके माझे सर्द
मध्याह्नाला भूक लागते खावेसे वाटते
भोजन होता डोळ्यांवरती सुस्ती थोडि येते
शाळेनंतर उन केवढे दमावयाला होते
संध्याकाळी दादासंगे खेळावे लागते
बाबा येतां आठ वाजता थोडा टिव्ही बघतो
दहा वाजता आजीची मी गोड कथा ऐकतो
इतके सारे करून आई थकून मी गं जातो
सांग मला तू, कधी करावा शाळेचा अभ्यास?
नको रागवू, समजून घे गं, माझे थोडे ऐक
पहाट समयी थंडी भारी झोपावे वाटते
किलबिल पक्षी गाणे गाती ऐकावे वाटते
सकाळ वेळी हवा चांगली हिंडावे भरपूर
आजीसोबत मंदिरातही जाण्या मी आतूर
शाळेमध्ये धडा ऐकता घड्याळात मी मग्न
इतिहासाच्या सनावळींनी डोके माझे सर्द
मध्याह्नाला भूक लागते खावेसे वाटते
भोजन होता डोळ्यांवरती सुस्ती थोडि येते
शाळेनंतर उन केवढे दमावयाला होते
संध्याकाळी दादासंगे खेळावे लागते
बाबा येतां आठ वाजता थोडा टिव्ही बघतो
दहा वाजता आजीची मी गोड कथा ऐकतो
इतके सारे करून आई थकून मी गं जातो
सांग मला तू, कधी करावा शाळेचा अभ्यास?