चार तपांनंतर सौ. विमल माहेरी

तुमच्यापैकी काही जणांना माहीतच असेल की आईचे अक्षर अफलातून सुंदर होते. अगदी एकसारखे, वळणदार आणि "सुंदर" हा शब्दही अपुरा पडेल इतके ते मोहक होते. त्याची एक झलक म्हणून आईने तिची गानमैत्रीण सुप्रसिद्ध गायिका, माधुरी दण्डगे, हिच्यावर २००८ मध्ये लिहीलेला लेख आईच्याच अक्षरात सादर करत आहे.
-रत्नधा

चार तपांनंतर सौ. विमल माहेरी (द्योतना कोल्हटकर)

भाजीवाला

आला आला भाजीवाला        दादाताई भाजी घ्या ना
हिरवी मेथी शेपू अळू           कंदमुळे घेई बाळू
लालभोपळा दुधीभोपळा      सुरण पावटा कोबी मुळा
मूग मटकी सोले कोहळा      आजीबाई भाजी घ्या ना  १ 

आला आला भाजीवाला        शेवगा घेवडा स्वस्त झाला
गाजर फुलवर संत्री केळी     चुका दोडका तोंडली वांगी
आजी येई ताई येई              हिरवी मिरची भेंडी घेई
आला आला भाजीवाला       ताजीताजी भाजी घ्या ना  २ 

सुगरणबाई वाट पाही          भाजीवाल्या यादी देई 
टवटवीत कोथिंबीर             नागमोडी पडवळ
ताजा पालक हरबरा            पोटासाठी माठ बरा
कांदापात नारिकेल             आले लिंबू केळफूल   ३

भाजीवाला, भाजीवाला,        बाळू, बबडी हाक मारी
आलो, आलो, असा आलो,    भाजीवाला धावत येई
एके दिनी काय होई             भाजीवाला बुट्टी मारी
आजीबाई वाट पाही             भाजीवाला गायब होई   ४  

जुनापाना वाडा पडी            गडगंज मॉल होई
सारे तिथे भाजी घेती            ताई माई सासूबाई
भाजीवाला दु:खी होई          व्यथा त्याची कुणा सांगी
पोटावर पाय येई                कपाळावर हात मारी   ५