पाऊस आला

नाहीशी झालेली चोरांच्या पावली
नभाच्या कुशींत विद्युत कुंथली

कुन्थण्याने तिच्या जागे झाले रान
वर होई मान सा-या प्राण्यांची

स्नायू ताठरले केस तरारले
डोळे वटारले जबडे हालले

गर्जनांनी त्यांच्या नभ कुस्करले
त्याच वेदनेने वीज जागी झाली

षार रोमांचांनी डवरून गेली

घामाच्या कैफात सादळून गेली

घामाचे जंजाळ वाढले फार
मावेनासे झाले तिच्या शरीरी

आणि त्या वेदने लाजली विद्युत
थरारली नभीं पुन्हां एकदां

संचलने तिच्या नवा रंग आला
हवेमध्ये कसा डोंब उसळला

घामाचा शिंतोडा खाली घसरला
कोणासा पुटपुटला पाऊस आला

(१९६५)