एक ध्यास होता मला भगवंता पांडुरंगा
एक छंद होता देवा तुझ्या नामाचा मुकुंदा
रुसलास म्हणून मी भक्तीभावे पूजा केली
बोललास नाही तरी श्रद्धा नाही रे सोडली
काळ्या दगडात विठू सखा सोयरा शोधला
अव्याहत केला यत्न पाषाणाला मनवण्या
सारे विश्वासाचे खेळ जिणे एकाकी साहेना
अरे भक्तीचे हे खूळ तुझ्यासवे राहण्याला
तुझ्यावीण एकटी मी जशी राधा माधवाची
तुझ्यासंगे शोभेन मी रखुमाई विठ्ठ्लाची
ओठी विठोबाचे गान मनी रखुमाई देवी
सारे आयुष्य सरले देवा तुझ्या भक्तीपायी
प्रेमभावे अंध झाले तुला मला शोधताना
कशासाठी शोध घेणे तेही आता आठवेना
आज वाटे पुरे झाले नाम घ्यायचे कशाला?
शब्दा अर्थ काय आहे? भावाचाच तो धुराळा
आता नाही हट्ट मला साथ तुझी लाभण्याचा
आता नाही वेड तुझे माझ्या थकल्या पापण्या
नाही उरली कोणती इच्छा अपूर्ण मनाची
ओढ लागली जीवाला परतीच्या प्रवासाची
एक छंद होता देवा तुझ्या नामाचा मुकुंदा
रुसलास म्हणून मी भक्तीभावे पूजा केली
बोललास नाही तरी श्रद्धा नाही रे सोडली
काळ्या दगडात विठू सखा सोयरा शोधला
अव्याहत केला यत्न पाषाणाला मनवण्या
सारे विश्वासाचे खेळ जिणे एकाकी साहेना
अरे भक्तीचे हे खूळ तुझ्यासवे राहण्याला
तुझ्यावीण एकटी मी जशी राधा माधवाची
तुझ्यासंगे शोभेन मी रखुमाई विठ्ठ्लाची
ओठी विठोबाचे गान मनी रखुमाई देवी
सारे आयुष्य सरले देवा तुझ्या भक्तीपायी
प्रेमभावे अंध झाले तुला मला शोधताना
कशासाठी शोध घेणे तेही आता आठवेना
आज वाटे पुरे झाले नाम घ्यायचे कशाला?
शब्दा अर्थ काय आहे? भावाचाच तो धुराळा
आता नाही हट्ट मला साथ तुझी लाभण्याचा
आता नाही वेड तुझे माझ्या थकल्या पापण्या
नाही उरली कोणती इच्छा अपूर्ण मनाची
ओढ लागली जीवाला परतीच्या प्रवासाची