सप्तपदी

भेटीचं आपल्या, नक्की काय कारण होतं?

माझं तरी तुझ्यापेक्षा पोह्यांकडेच लक्ष होतं  १.

मैत्रीचं आपल्या, नक्की काय कारण होतं? 

बाबा म्हणले सगळ्यांचं त्यातच नक्की भलं होतं  २.

लग्नाचं आपल्या, नक्की काय कारण होतं? 

सगळे म्हणले आपलं तेंव्हा वय उलटून जात होतं  ३.

प्रेमाचं आपल्या, नक्की काय कारण होतं? 

माझं तरी तुझ्यापेक्षा स्वत:कडेच लक्ष होतं  ४.

बाळाचं आपल्या, नक्की काय कारण होतं?
मला किSनी कधीतरी आई होऊन पाह्यचं होतं  ५.

सहवासाचं आपल्या, नक्की काय कारण होतं? 

मला वाटतं आपलं सगळं सवयीकडेच लक्ष होतं  ६.

संसाराचं आपल्या, नक्की काय कारण होतं?

दुसरं काही सुचत नव्हतं म्हणून बहुतेक गाडं ओढलं  ७.