जांभूळगावची धनगरवाडी | वाडीतली वाट कशी सापावानी | सप सप सप सप ||
अल्याड पल्याड शेतीभाती हणमंताची | रानावानी | हिरवीगार हिरवीगार ||
शेतीवर पिंपळ बिलगून पाट | वाहे कसा | झुळु झुळु झुळु झुळु ||
पाटावर इंदु लई लई ग्वाड | पीक काढी | सुगी झाली | लगबग लगबग ||
हिरवी चोळी | तांबडं लुगडं | नाकात नथनी | तरनीताठी | तरनीताठी ||
इंदुचा आजा हणमंत | कळकट नेसू | लाल लाल पागुटे | धनगर जात धनगर जात ||
थकला आजा | घाम पुशी | कांदा भाकर पोटभर खाई | पानी ढोसी | गुडुक गुडुक ||
आजाची धणीन म्हाळसाबाई | घरदार राखी वाघावानी | डर डर डर डर ||
आजीचं केस कसं कापसावानी | पांढरं कुरुळं मोकळं सोडी | वळ वळ वळ वळ ||
इंदुचा दादला आळशी गेंडा | बेवडा कुठला | कुंभकर्न कुंभकर्न ||
माडीवर पोरगं काळं बेंद्र | बापावानी झोपा काढी | डाराडूर डाराडूर ||
मारुतीची घंटा घनघन वाजं | पोरगं उठं | भोंगा पसरं | किर किर किर किर ||
आजीचं डोस्कं गरगर फिरं | पंख्यावानी | हिकडं तिकडं | हिकडं तिकडं ||
No comments:
Post a Comment