बहिणींची तुलना

 टीप: सदर कविता एका श्वासात म्हणावी.

तू लाल मी हिरवी, तू ड्राईड मी बेक्ड
  तू गोवा मी शिमला, तू हॉट मी फॅट
तू लुक्कड मी ढब्बू
तुला मान मला पोट
तू पावशेर मी किलो
तू लवंगी मी भोपळी  
तुझा तवंग मी खमंग
तुझा तोरा माझा डेरा
तू वाळकी मी भरली
तू चवीला मी पोटभर 
               तू झणझणीत मी मिळमिळीत
                   तुझी साठवण माझी पाठवण
                        तुझं वाळवण माझं कालवण
तू फोडणीत मी भाजीत
तू गावरान मी विलायती  
तुझं लोणचं माझं बिणचं 
तुझा ठेचा माझा ढोकळा
तुझा ठसका माझी ढेकर
तुझं तिखट माझं पंचामृत
तू फटकळ माझी फतकल
तू थोड्यांसाठी मी सर्वांसाठी