(चाल : सुखकर्ता दु:खहर्ता )
रात्रीची मैफिल रोदन गाण्याची
रात्रीची मैफिल रोदन गाण्याची
प्रसिद्ध पंडित रडगंधर्वांची
जुळवा तंबोरे दोन सुरांचे
निराशेचे आणि तक्रारींचे
निराशेचे आणि तक्रारींचे
खर्ज सप्तकात रडा अश्रूंनी
तार सप्तकात रडा सुरांनी
भावाविना गाणे रंगत नाही
यथेच्छ आळवावा राग तुम्ही
यथेच्छ आळवावा राग तुम्ही
अर्क विसरू नये दु:खाचा कधी
दु:खाविना राग-आत्म्याविना जीव
आरोह अवरोह दु:खाचे सोपे
कोमल सूर सारे दर्दभरे
कोमल सूर सारे दर्दभरे
तान घ्या मधेच केविलवाणी
श्रोत्यांच्या डोळ्यांत वाहूदे पाणी
आलाप संपता थोडेसे थांबा
तबलजी लावेल टीपेचा तबला
तबलजी लावेल टीपेचा तबला
गत तोडे बांधा दु:खाचे सारे
चुकवू नका ताल आडाचौताल
दमलात जर तर थांबा थोडेसे
साथीदारासही रडूदे थोडेसे
मैफिलीची पूर्ती करुणाष्टकाने
मागा देवाकडे पायांची धूळ !
मैफिल यशस्वी तेंव्हाच होईल
हसणारा प्रत्येक रडत जाईल
No comments:
Post a Comment