Trilogy

         सुई                                     मैत्रीण                                 दु:ख

एक सुई गजरा करते             एक मैत्रीण गजरा देते                 एक दु:ख तीळाएवढे  

एक सुई काटा काढते            एक मैत्रीण कटकट करते           एक दु:ख ढगाएवढे

एक सुई कपडे शिवते            एक मैत्रीण गप्पा मारते               एक दु:ख रेशमी वेडे

एक सुई ठिगळ लावते           एक मैत्रीण विनोद करते             एक दु:ख भुकेल्याचे

एक सुई कशिदा काढते         एक मैत्रीण मॅडच असते             एक दु:ख निद्रानाशाचे

एक सुई दिशा दाखवते          एक मैत्रीण औषध आणते            एक दु:ख आजाराचे

एक सुई चप्पल शिवते            एक मैत्रीण जीव लावते              एक दु:ख मृत्यु झाल्याचे

एक सुई स्वेटर विणते             एक मैत्रीण रुसते फुगते             एक दु:ख नोकरी गेल्याचे

एक सुई माळा करते              एक मैत्रीण हरवून जाते              एक दु:ख अपयशाचे  

एक सुई हृदय शिवते              एक मैत्रीण नवीन मिळते            एक दु:ख नसेल त्याचे

एक सुई इंजेक्शन देते             एक मैत्रीण नावे ठेवते                एक दु:ख असलेल्याचे   

एक सुई बोटात घुसते             एक मैत्रीण खास असते              एक दु:ख बदल झाल्याचे

एक सुईण बाळ देते                एक मैत्रीण खूप हसवते             एक दु:ख विस्मरणाचे

एक सुई टॅट्यू काढते               एक मैत्रीण भन्नाट वागते            एक दु:ख वय झाल्याचे

एक सुई वही बांधते                 एक मैत्रीण खूप रडवते             एक दु:ख उगाचच ते !

एक सुई टोचते तरी                 एक मैत्रीण टोचते तरी               एक दु:ख संपले तरी

किती गोष्टींत कामी पडते          खरे तेच सांगून जाते                 खूप काही शिकवून जाते