माझ्या निर्गुण देवाला
सोन्या-चांदीचे वावडे
नको घालू उगा त्याला
हार मोत्यांचे रत्नांचे
नाही पारोसा तो देह
नको अभिषेक स्नान
नाही मागितले त्याने
गंध पुष्प पंचामृत
तुझ्या स्तोत्र आरतीने
किटतील त्याचे कान
तुझ्या विद्युत मालेने
भाजतील त्याचे हात
ज्याच्याकडे आहे सारे
त्याला काय तू देशील?
तुझी देवाण-घेवाण
कशापायी अट्टाहास?
देव निस्पृह मनीचा
नको काही तुझे त्याला
तुझ्या माझ्या मनी त्याचा
भास डोळे मिटताना
असे काय तुझ्याकडे,
की जे, त्याने नाही दिले?
मनातील भक्तीभाव
तेही तयाचेच देणे
सोन्या-चांदीचे वावडे
नको घालू उगा त्याला
हार मोत्यांचे रत्नांचे
नाही पारोसा तो देह
नको अभिषेक स्नान
नाही मागितले त्याने
गंध पुष्प पंचामृत
तुझ्या स्तोत्र आरतीने
किटतील त्याचे कान
तुझ्या विद्युत मालेने
भाजतील त्याचे हात
ज्याच्याकडे आहे सारे
त्याला काय तू देशील?
तुझी देवाण-घेवाण
कशापायी अट्टाहास?
देव निस्पृह मनीचा
नको काही तुझे त्याला
तुझ्या माझ्या मनी त्याचा
भास डोळे मिटताना
असे काय तुझ्याकडे,
की जे, त्याने नाही दिले?
मनातील भक्तीभाव
तेही तयाचेच देणे
No comments:
Post a Comment