जर तर

ती जर भाजी असती तर
पडवळ झाली असती
सरळ जातानाही उगाचच
वाकड्यांत शिरली असती

ती जर फूल असती तर
ब्रह्मकमळ झाली असती
एकोणतीस फेब्रुवारीला उमलून
कोमेजून गेली असती

ती जर नदी असती तर
सरस्वती झाली असती
कुणालाच काहीही न सांगता
उगाचच गुप्त झाली असती

ती जर ती नसती तर
दुसरी कुणी असती
कशीही असली तरी
डोक्याला भुंगाच लावून गेली असती

ती जर, ती तर
जर तर, जर तर ची
कटकट जर नसती तर
ही कविताच लिहली नसती