दारात अस्वल उभे आहे

आजी जप करीत आहे

आजा गप पडून आहे 

बाळ पाळण्यात झोपले आहे 

ताई झोका देत आहे

दारात अस्वल उभे आहे

सामान वाईच आणलं आहे 

आई चूल फुंकत आहे 

भाजी मिळत नसली तरी 

भाकर पोट भरवीत आहे

दारात अस्वल उभे आहे

पैका संपत आला आहे 

दूध पावडर थोडी आहे 

चाय फक्कड पिऊन माझा 

बाप बातम्या बघत आहे 

दारात अस्वल उभे आहे

शाळेस आता सुट्टी आहे 

सारेच पास होणार आहेत 

आजी म्हणते जगलो तर 

पास होण्यास अर्थ आहे 

दारात अस्वल उभे आहे

पाटी दप्तर माळ्यात आहे 

दादा व्हॉट्सअ‍ॅप बघत आहे

बिल भरले नसता त्याचा 

मोबाईल डेटा संपणार आहे 

दारात अस्वल उभे आहे
 

सारे रस्ते शांत आहेत 

मोदी विश्वास देत आहेत

घरात बाबा सिंह तरी 

बाहेर जायला घाबरत आहेत 

दारात अस्वल उभे आहे ...