संघर्ष

सारे हवे ते पदरात आहे
सुखात आयुष्य क्रमित आहे
सगळे कसे ते सुरळित आहे
संघर्ष माझ्या रक्तात आहे

सुदृढ शरीर उत्कृष्ट आहे
व्याधी बिमारी अज्ञात आहे
चिंता कुचिंता स्वप्नात आहे
संघर्ष माझ्या रक्तात आहे

लक्ष्मी पुढे हात जोडून आहे
दुर्भाग्य दारिद्र्य अज्ञात आहे
कोणास वाटेल स्वर्गात आहे
संघर्ष माझ्या रक्तात आहे

आहे पुढे त्यास मी अंध आहे
नव्हते कधी ते पुढे लख्ख आहे
कोणी मनाला भुलवित आहे
संघर्ष माझ्या रक्तात आहे