सा-या अंधारकणांना फुटे

सा-या अंधारकणांना फुटे चांदण्यांचे गीत
व्याकुळल्या लोचनात पिसे गीत उन्मळत ||

देहभाव विसरोनी असे चांदणे प्राशावे |
माझे, जे न माझे तेही, तेही तुलाच अर्पावे |
मुग्ध देणेघेणे सारे मूकपणे आक्रोशात ||१||

विसावली किलबिल तिला उबेचा पिसारा |
षार थंडीलागी नाही अशा कोटरी निवारा |
कांठ पापणीचा भिजे नकोवती भाव आर्त ||२||

रोमरोमींचे हे न्यास दान तेजाचे मागत |
सर्वस्वाचे लेणे पुरे स्फुरणा-या चैतन्यात |
टाहो हृदयाला फुटे सारी मुले गदगदत ||३||

(कोजागिरी, शके १९०३)